Réduire les caractères Augmenter les caractères Augmenter les contrastes Imprimer

Affichage détaillé (Toute l'histoire du département)


Baptême d'un enfant naturel pour Jeanne Bescherel, à Beauficel en 1627

Le 16/07/2018

Exercice de paléographie #7 2017-2018 donné à l'occasion des ateliers d'initiation à la paléographie

 

Illustration 1

 

Transcription

source : Arch. dép. Manche, registre paroissial de Beauficel


Ce vingt quatriesme jour d’aoust, l’an mil six /2 centz vingt et sept, c’est (sic) presentée à (barré : moy) nous Julienne /3 Bescherel, fille de Denis Bescherel, de la parroisse /4 de Gathemo[1], a present demeurant en ceste paroisse /5 de Beaufixel[2], au village de la Bertheliere, laquelle /6 Bescherel, assistée de Julienne de La Broyse, fille /7 naturelle de feu Charles de La Broyse, en son /8 vivant sieur de la Plantère, nous a representé /9 estre une posvre creature grandement affligée /10 pour avoir esté deceue et trompée, lorsqu’elle /11 faisoit sa demeure a la Sejonnerye en Gastemo, /12 par noble Robert de Malherbe, sieur et patron /13 dudict Gathemo, lequel luy auroit engendré un /14 filz qui seroit de ce jour desja aagé de trois /15 mois et demy ou viron et, ne recevant consolation /16 d’aucunes personnes, nous a requis charitablement /17 de conferer le sacrement de baptesme a sondict /18 filz, duquel elle estoit saisie et qu’elle n’osoit, /19 encor qu’elle fust ainsi trompée, se (barré : le début d’un p) representer /20 a ladicte parroisse dudict Gastemo, de peur de tomber /21 derechef[3] entre les bras dudict de Malherbe. /22 Voyant sa declaration et considerant qu’elle auroit /23 accouché et faict sa gesine[4] audict lieu de la /24 Bertheliere de Beaufixel, suivant qu’il nous auroit /25 esté attesté par ladicte de La Broyse et de Chardine /26 Gasteboys, femme de Jhan Bidois la Source[5], a joindre[6] /27 que icelle Bescherel seroit grandement posvre, nous /28 avons faict signer ausdictes Bescherel et de La /29 Broyse leur declaration et requeste. Presence /30 de messire Toussainct Le Logeays, prebstre, et /31 Pierres Le Gemble, clerc, tous deux de Beaufixel, /32 tesmoings, pour servir a tous qu’il appartiendra, /33 et avons conferé audict enfant le sainct sacrement /34 de baptesme[7], le voyant foible et de peur de /35 mort. Faict ausdicts an et jour desusdicts. Presentz /36 desdicts[8] tesmoings.

            Le merc de ladicte Bescherel            ;             le merc de ladicte de La Broyse ;

       (signé :) Le Logeays (avec paraphe)      ;       (signé :) P. Le Jemble (avec paraphe).



[1] Gathemo : ancien canton de Sourdeval.

[2] Beauficel : ancien canton de Sourdeval.

[3] Derechef : de nouveau, une nouvelle fois.

[4] Gésine : ici, ses couches.

[5] Surnom ou avernom donné au sieur Bidois afin de le différencier d’autres Bidois.

[6] Au sens d’ajouter.

[7] On remarquera néanmoins que l’enfant n’a ni prénom, ni parrain, ni marraine !

[8] On s’attendrait à trouver : « en présence desdicts » ou « présentz lesdicts »